Пасля гадавога перапынку гарадзенскі гурт DZIECIUKI выступіць у Віцебску. Новая праграма складзеная з 2-х альбомаў і новых песняў будзе прэзентаваная 1 красавіка на пляцоўцы арт-паба Торвальд.
“Гэты канцэрт для нас у нечым знакавы і пераломны, бо амаль к год у нас не адбывалася ў Беларусі афіцыйных выступаў” – распавядае лідар гурта Алесь Дзянісаў. – “Віцебск адзін з нашых шчаслівых і любімых гарадоў, у які мы прыязджалі яшчэ ў складзе гурта “Людзі на балоце” і маем вельмі шмат добрых сяброў у гэтым горадзе. У нас была думка прывезці абсалютна новую праграму, але вырашылі, што будуць прэзентаваныя толькі некалькі новых песняў з будучага альбома, праца над якім вядзецца зараз. Увогуле, у Віцебску прагучаць амаль усе песні гурта, і мы спадзяемся, што незадаволеных не застанецца!”
DZIECIUKI – фольк-панк гурт заснаваны ў 2012 ў Горадні. Сьпяваюць аўтарскія тэксты на гістарычную тэматыку аўтарства Дзяніса Жыгаўца. Маюць EP, на пачатку 2014 выдалі дэбютны альбом “Гарадзенскі гармідар”. Прызнаныя “Гуртом году” на прэміі “Героі году-2014”.
Сольны канцэрт гурта “DZIECIUKI” адбудзецца ў арт-пабе Торвальд, вул. Талстога,1, пачатак 19:00. Інфалінія +37525 913 38 76
Квіткі коштам: 20 р.. Квіткі можна набыць у арт-пабе Торвальд, вул. Талстога,1 і на сайце bezkassira.by Увага! У продажы застаецца ўсяго 40 квіткоў!
Падзеі:
УК: https://vk.com/event138793798
ФБ: https://www.facebook.com/events/977069252423995/
