«Дзе Купалу хрысцілі?». Свята ў Радашковічах

Рэдакцыя catholic.by запрашае сваіх чытачоў нядзелю 12 ліпеня правесці ў мясціне, дзе ахрысцілі Янку Купалу. Гэта касцёл Найсвяцейшай Тройцы ў Радашковічах (вул. Савецкая, 12). У планах: святая Імша, цікавыя выступы, народныя гульні і развучванне народных танцаў.

Перадгісторыя:

7 ліпеня 1882 года нарадзіўся ў сям’і Луцэвічаў сын Янка, які потым стаў свету блізкаму і далёкаму вядомы як Янка Купала.

Нарадзіўся, то нарадзіўся, а вось дзе наш Янка хрысціўся?

Прывезлі яго татка і мамка хрысціць у радашковіцкі касцёл. Вось так і пачалася гісторыя збаўлення чалавека, які клікаў наш народ да волі ды праўды.

Пры гэтай нагодзе
у радашковіцкай гасподзе
ўлетку збіраемся,
ды з цікавым рукаемся!

Праграма:

• 10.00 — святая Імша
• 11.00 — інфармацыйнае кола:
  Выступоўцы:
  • кс. Кірыл Бардонаў
  • рэдакцыя часопіса “Маладосць”
  • Язэп Янушкевіч (архівіст, археограф, пісьменнік)
  • Марыя Барткова ( Дзяржаўны музей імя Я. Купалы ў Мінску)
  • Аксана Ючкавіч (catholic.by) (магчымыя змены)
• 11.40 — народныя гульні разам з Юліяй Бажок і музыкантамі (НАН РБ)
• 12.00 — чытанне любімых вершаў Янкі Купалы (удзельнічаюць усе жадаючыя) і ўдзел у віктарыне ад Цэнтра славянскіх моў і культур (Мінск) (віктарына для самых малодшых)
• 12.30 — пачастунак (каб танцаваць хацелася – а не млелася!)
• 13.00 — зноў разам з Юліяй Бажок сабраныя развучваюць народныя танцы і танчаць
• 13.00 — заключнае слова гаспадара парафіі (кс. Аляксандр Улас) да Гаспадара і гасцей.

catholic.by