У суботу, 24 верасня, філіял Веткаўскага музея ў Гомелі запрашае ўсіх на свята «Жаніцьба коміна».
Дата: 24 верасня
Час: 16.00 (час мясцовы)
Месца: філіял Веткаўскага музея, плошча Леніна, 4а, Гомель
«Жаніцьба коміна» — архаічны абрад звязаны з пераносам агню (святла) з вуліцы ў хату. З гэтага часу распачыналіся вячоркі-пасядзелкі. На вуліцы рана цямнее, становіцца халодна, таму ўсе працы пераносіліся ў хату — там і цяплей, і комін свеціць! На вечарыне адновяць архаічны абрад.
Што вас чакае:
абрадавыя дзеянні з гарбузом, мёдам, зярнятамі і комінам;
традыцыйныя абрадавыя песні і танцы пад гармонік;
традыцыйныя беларускія гульні, жарты і забавы;
традыцыйныя стравы.
Дарэчы, каб увесь год быў шчаслівы — стол збіраюць у складчыну! Прыносьце з сабой штосьці да святочнага стала: яешню, пірагі, бліны, варэнікі, бульбу, каўбасу, сыр, цукеркі, печыва, любыя іншыя любімыя ласункі. І канешне, сяброў бярыце!
Кошт удзелу — 5 рублёў для дарослых, 2,50 рублі для школьнікаў.
