20 сакавіка ў клубе “Re:public” (Мінск, Прытыцкага 62, ст.м.Кунцаўшчына) адбудзецца штогадовы “ФЭСТ ВЯСНОВАГА РАЎНАДЗЕНСТВА 2016”, які па значнасці стаіць побач з такім вядомымі беларускімі фестывалямі, як “Купальскае Кола” і “Калядны Фэст”.
Назва і час правядзення фестывалю бяруць свае вытокі з народнай традыцыі. Асаблівай пашанай у нашых продкаў карыстаўся той момант руху сонца, калі дзень раўняўся з ноччу і з гэтага часу пачынаў павялічвацца, святло пачынала перамагаць цемру, калі надыходзіў доўгачаканы перыяд пацяплення і абуджэння прыроды. Менавіта да дня вясновага раўнадзенства прымяркоўвалі пачатак новага года.
У гэтым годзе арганізатары вырашылі прысвяціць музычнае свята 20-годдзю існавання гурта ZNICH, які выступіць з новай праграмай і з’явіцца хэдлайнерам фэсту.
Святкаваць юбілей легендарнага гурта беларускай металічнай сцэны і гукаць вясну на “Фэсце вясновага раўнадзенства 2016” разам з вамі будуць:
TROLLWALD, OMUT, FOLCORE, ALFAR, РУТВІЦА.
Пачатак: 17.00.
Квіткі можна набыць у любой касе KVITKI.BY:
>150.000 – танцпляц;
200.000 – месца за столікам.
Або праз інтэрнэт:
http://www.kvitki.by/ru/event/
Спасылка на мерапрыемства: https://vk.com/raunadzenstva< Тэлефон для даведак: +37529-141-94-97.
