Фестываль «Культура ў выгнанні» ў Кракаве
07.12.2024
11:00 - 16:30
Віла Дэцыюса (28 Lipca 1943 17a)
Бясплатнае
У суботу, 7 снежня, у Кракаве адбудзецца фестываль «Культура ў выгнанні. Дні Салідарнасці на Віле Дэцыюса».
Дата: 7 снежня
Час: з 11.00 да 16.30
Месца: Віла Дэцыюса, 28 Lipca 1943 17a, Кракаў
У праграме:
11:00 — 12:30 Аўтарскі шпацыр па Кракаву
Выправіцеся ў незвычайнае падарожжа па слядах беларускай літаратуры ў Кракаве.
Падчас прагулкі даведаецеся пра прыгоды беларускага класіка ў Марыяцкай вежы, пра важныя для беларусаў кнігі, выдадзеныя ў кракаўскіх друкарнях, наведаеце мясціны, звязаныя з творчасцю беларускіх пісьменнікаў.
Будуць вершы і цытаты ў перакладзе на польскую і беларускую мовы.
Шпацыр будзе весці Зміцер Раманькоў.
Дата: 7 снежня
Час: 11.00
Месца збору: ля Барбакана, Кракаў
11:00 — 14:00 Майстар-класы па фатаграфіі «Фотаграма і цыянатыпія» з Марыяй Аленай Бонэт
Падчас варштатаў удзельнікі даведаюцца пра дзве старыя і ўнікальныя з’явы ў фатаграфіі.
Цыянатыпія — адзін з найпрыгажэйшых метадаў ручнога друку фатаграфій прускага блакіту. А фотаграма — гэта выява, створаная без выкарыстання камеры.
Падчас семінараў вы:
пазнаёміцеся з гісторыяй і тэорыяй фотаграм і цыянатыпій;
убачыце незвычайныя працы вядомых мастакоў і фатографаў, якія выкарыстоўвалі разгледжаныя тэхнікі;
навучыцеся рыхтаваць святлоадчувальную фатаграфічную эмульсію;
даведаецеся сакрэты выбару інструмента;
зробіце уласную фотаграму тэхнікай цыянатыпіі (і, вядома, возьмеце яе з сабой).
Майстар-класы разлічаны на ўсіх людзей, старэйшых за 13 гадоў.
14:00 — 15:00 Чытанне вершаў з кнігі «Chrząszcz» Яна Бжэхвы
Прэзентуюць серыю перакладаў з польскай мовы на беларускую ў спалучэнні з гучным чытаннем паэмы Яна Бжэхвы «Харшун», якая з’яўляецца цікавай метафарай творчасці на эміграцыі.
15:00 — 16:30 Сустрэча з Андрэем Хадановічам і Уладзімірам Някляевым
Прэзентуюць новую кнігу Андрэя Хадановіча «Дзікае паляванне караля Стаха: вершы да оперы», выбранае «Чалавек шматпавярховы» Чэслава Мілаша і зборнік Уладзіміра Някляева «Без Айчыны».
Уваход вольны.
