Цырымонія ўручэння прэміі Гедройця-2025 у Гданьску

У наступную суботу, 15 лістапада, стане вядомы пераможца прэміі імя Ежы Гедройця.

Сёлета журы выбірае тры найлепшыя празаічныя або дакументальныя кнігі, выдадзеныя ў 2024 годзе.

А вось якая будзе праграма:

11:30–12:00 адкрыццё выставы "Belarus Banned Books"

На выставе будуць прадстаўлены лісты, гісторыі і біяграфіі аўтараў, а таксама публікацыі, якія апынуліся пад цэнзурай.

Гэта гісторыя пра рэпрэсіі супраць культуры ў Беларусі і пра Людзей Слова, якіх спрабавалі выкрасліць.

Экспазіцыя падрыхтавана на трох мовах: ангельскай, беларускай і польскай.

Выстава адкрыта для наведвання з 10:00 да 21:00.

12:00–21:00 Кірмаш беларускай і польскай кнігі

12:00–13:00 дыскусія "Пераклады, якія яднаюць. Беларуская літаратура ў польскіх выдавецтвах"

У размове возьмуць удзел старшыня Беларускага ПЭНа Таццяна Нядбай, перакладчыца беларускай літаратуры на польскую мову Яанна Бэрнатовіч і кіраўнік калегіума Усходняй Еўропы ва Уроцлаве Лаўрынас Вайчунас.

Госці пагавораць пра прысутнасць беларускай літаратуры ў Польшчы, пра складанасці яе выдання і магчымасці шырэйшага распаўсюду.

Сустрэча будзе на польскай мове.

13:10–13:50 сустрэча з аўтарам кнігі "Гульні Цырцэі" Змітром Дядзенкам "Дзіцячая імперыя на ўскрайку савецкай улады"

У сваіх творах ён спалучае гістарычную рэфлексію, гумар і сацыяльна-палітычны каментар.

Сустрэчу правядзе Яраслаў Іванюк, журналіст, заснавальнік інтэрнэт-бібліятэкі Kamunikat.org.

13:55–14:35 сустрэча з аўтаркай кнігі "Раз на дваццаць пяць тысяч гадоў" Анкай Упалай "Рэдкая астранамічная з’ява чалавечага паразумення"

Сустрэчу правядзе Кася Чэкатоўская, драматургіня, акторка.

14:40–15:20 сустрэча з аўтарам кнігі "Занзібар: сталеньне маладой душы" Сяргеем Дубаўцом "Афрыканская выспа і архіпелаг Беларусь"

Сустрэчу правядзе Сяргей Кавалёў, літаратуразнаўца, крытык, драматург.

15:25–16:05 сустрэча з аўтар кнігі "Там, дзе няма цемнаты. Радыё Свабода" Аляксандрам Лукашуком "Свет, які вымяраўся хвалямі. Частата – 1188 кГц, амплітуда – Свабода"

16:10–16:50 сустрэча з аўтаркай кнігі "Перамена месцаў" Югасяй Калядой "Загадкі беларускага Сфінкса"

Сустрэчу вядзе Андрэй Хадановіч, паэт, перакладчык.

17:00–18:30 дыскусія з лаўрэатамі прэміі "Голас пакалення свабоды"

Прэміяй "Голас пакалення свабоды" былі ўганараваны 18 выбітных прадстаўнікоў літаратурнай, журналісцкай і праваабарончай супольнасці, якія пасля 2020 года былі вымушаны пакінуць краіну і працягваюць творчасць і грамадскую дзейнасць у выгнанні.

Вы пазнаёміцеся з лаўрэатамі, якія падзеляцца асабістымі гісторыямі, досведам выгнання і развагамі пра свабоду слова.

Удзел бяруць:

Зоя Белахвосцік, акторка тэатра і кіно

Аляксандр Капуцкі, грамадскі дзеяч, праваабаронца

Аляксандр Класкоўскі, журналіст, грамадскі дзеяч

Тамара Мацкевіч, педагог, грамадская актывістка

Уладзімір Мацкевіч, філосаф, грамадскі дзеяч

Андрэй Завадскі, эксперт у мясцовым самакіраванні, праваабаронца

Наталля Дуліна, лінгвістка, выкладчыца, грамадская дзяячка

Сустрэча будзе на беларускай мове з перакладам на польскую.

19:00 Цырымонія ўзнагароджання прэміяй імя Ежы Гедройця

Завершыць вечар выступ Уладзіміра Пугача, вакаліста гурта J:Mors.

Цырымонію правядзе Крысціна Дробыш

Нагадаем, сёлета на ўзнагароду прэтэндуюць:

Зміцер Дзядзенка "Гульні Цырцэі. Раман"

Сяргей Дубавец "Занзібар. Сталенне маладой душы"

Югася Каляда "Перамена месцаў"

Аляксандр Лукашук "Там, дзе няма цемнаты: Радыё Свабода"

Анка Упала "Раз на дваццаць пяць тысяч гадоў"

Клёк Штучны "Забойства на вуліцы Макаёнка"

Уваход вольны.