«Голая манашка» прадставіць «Nota Bene»

24.02.2013 19:00 - 22:00 Loft cafе (вул.П.Броўкі, 22) Бясплатнае

«Голая манашка» прадставіць «Nota Bene»

Героі беларускага панк-року, гурт «Голая манашка» прэзентуе 24 лютага ў Loft cafe сваю новую праграму «Nota Bene» пры падтрымцы піянераў беларускамоўнага пост-металу Re1ikt. Канцэрт адбудзецца ў межах праекту «Жывы Тузін».

Федзя Жывалеўскі – жывы-здаровы, знаходзіцца ў ясным розуме і па-ранейшаму можа прапанаваць арыгінальны і непаўторны творчы прадукт. Пра гэта сведчыць праграма «Nota Bene», якую гурт «Голая манашка» збіраецца прэзентаваць у межах «Жывога Тузіна». У яе ўвайшлі песні, якія былі напісаныя ў апошні год. Загалоўны трэк «Харошы знак» быў летась прэзентаваны на Tuzin.fm ад імя сайд-праекту Федзі «Вясёлая манашка». Акром аўтарскіх рэчаў у праграму ўключаныя пераклады лідэра «Голай манашкі» песень, што выконвалі Курт Кабэйн і Ягор Летаў – «Дзяўчынка» і «Куля-дура». Музыкі выйдуць на сцэну Loft cafe поўным складам і дадуць поўнавартасны канцэрт. «Трэшу не будзе, будзе фрэш!, – кажа Федзя, – «Nota Bene» – гэта песні пра жыццё і каханне, у якіх распавядаецца пра адзін з варыянтаў творчага шляху. Ёсць меркаванне, што праз каханне зямное, міласэрнасць і праведнасць можна спазнаць каханне да Бога. Проста звярнiце увагу на тое, як гэта можа выглядаць». Песні, што ўвайшлі ў праграму «Nota Bene» існуюць ў выглядзе дэма-запісаў, у бліжэйшы час музыкі збіраюцца іх дарабіць і выдаць поўнавартасны альбом.

Падтрымае «Голую манашку» гурт Re1ikt, які таксама рыхтуе да гэтага вечара асаблівую праграму, куды ўвойдуць зусім новыя, добравядомыя і забытыя рэчы ў свежых, часам нечаканых аранжыроўках.

Весці канцэрт «Жывы Тузін» па традыцыі будзе Алег Хаменка, музыкант і нязменны вядучы радыёверсіі хіт-параду «Тузін Гітоў». Не абыйдзецца справа без падарункаў ад сяброў «Тузіна Гітоў» – кампаніі «Будзьма беларусамі».

Інфармацыя для анонса:

24 лютага (нядзеля). 19.00. Loft cafе (вул.П.Броўкі, 22).

Re1ikt: лютая акустыка ад піянераў беларускамоўнага пост-металу

Голая манашка: прэзентацыя новай праграмы «Nota Bene» ад герояў беларускага панк-року 

Кошт квітка – 80 000 руб. Студэнтам на 25% танней!

Квіткі можна набыць у касах KVITKI BY і замовіць он-лайн http://www.kvitki.by  

Замовіць столік можна па тэл. +375 29 38 000 10.

Тэл. для даведак : + 375 29 6872093. 


Вам можа быць цікава

Выстава «Шчаслівы той, хто, як Уліс...» у Віцебску

03.06.2025 11:00 - 07.09.2025 18:00 арт-цэнтр Марка Шагала (вул. Савецкая, 25)

Віктар Марціновіч і Вольга Гапеева ў Лёне

31.08.2025 (14:00 - 18:00) парк Aqua Magica (Bültestraße 39D)

Выстава «Літаратурны мапінг Вільні і Менска» ў Вільні

01.09.2025 18:30 - 07.09.2025 19:00 Віленскі беларускі музей імя Івана Луцкевіча (Vilniaus, 20)

Музейны занятак па маляванні ў Заслаўі

02.09.2025 (16:00 - 19:00) Музейна-выставачны комплекс (вул. Рынкавая, д. 4)

Апошняе
на Budzma.org

чытаць яшчэ