У пятніцу, 13 студзеня, літаратурны музей Петруся Броўкі запрашае на імпрэзу «Курганная кветка», прысвечаную паэтцы Канстанцыі Буйло.
Дата: 13 студзеня
Час: 18.00
Месца: Літаратурны музей Петруся Броўкі, вул. К. Маркса, 30, Мінск
Першая паэтка беларускай літаратуры, якая не баялася пець аб жаданні асабістага шчасця. Яе раннія вершы напоўнены нечаканай для беларускай літаратуры «эратычнай інтуіцыяй», як цікава заўважыў Антон Луцкевіч.
Аднак творчасць яе не назавеш абмежаванай. Для Канстанцыі Буйло каханне стала пуцяводнай зоркай, якая свяціла на любым шляху: да радзімы, да мужчыны, да свабоды.
Куды прывялі яе жыццёвыя дарогі? Прыходзьце — даведаецеся!
Уваход вольны!
