Сольны канцэрт гурта Re1ikt адбудзецца ў Гарадскім Доме Культуры (вул. Вялікая Горка, 1) у Слуцку 13 кастрычніка.
Re1ikt – першапраходцы беларускамоўнага post metal. У сваёй музыцы спалучаюць таксама такія накірункі, як progressive rock, post rock, art rock, world music, ethno.
Re1ikt маюць унікальнае гучанне, пры гэтым падчас запісу і выступаў выкарыстоўваецца толькі стандартны склад “жывых” інструментаў (2 гітары, бас, барабаны) і вакал.
За час існавання каманда паспела паўдзельнічаць у фестывалях у Польшы, Літве, Украіне і Беларусі. Сярод іх Halfway Festival, Basowiszca, Jesien Bardow, Tautu Muge, BeFree, а таксама «Камяніца», «Дах», Heavy Mass Medium і інш.
На рахунку Re1ikt 3 студыйныя альбомы. «Рэкі прабілі лёд» («Вігма», 2011) і «Клиника» (Go Records, 2009) былі афіцыйна выдадзены на лэйблах.
Таксама Re1ikt знялі 4 відэакліпы, выпусцілі 2 live-DVD («Акустическая Терапия», «Крыгаход»), акустычныя складанкі («Vytoki», «Home Songs»).
http://re1ikt.com/
http://vk.com/re1ikt
Пачатак: 19:00
Уваход: вольны
Канцэрт адбудзецца ў межах кампаніі “Будзьма беларусамі!”
Нагадваем, щто працягваецца конкурс ад Re1ikt і “Будзьма беларусамі!”. Падрабязнасці тут.
