Віцебская дыяцэзія Рымска-каталіцкага Касцёла ў Беларусі, Творчы калектыў “Беларуская капэла”, ГА Віцебскае музычнае таварыства сумесна арганізуюць фестываль “Віцебскі арганны шлях”. У межах гэтага фестывалю адбудуцца канцэрты арганнай і камернай музыкі па ўсёй тэрыторыі Віцебскай дыяцэзіі пры каталіцкіх парафіях.
23 красавіка адбудзецца першы такі канцэрт у Віцебскай катэдры Езуса Міласэрнага а 15.00 гадзіне (вул. В.-Інтэрнацыяналістаў, 28). Выступаюць: Наталля Акініна (мэца-сапрана), Віктар Кісцень (арган). Вядзе праграму Святлена Немагай.
