З 23 па 27 кастрычніка Менская урбаністычная платформа ладзіць міжнародную анлайн-канферэнцыю. У апошні дзень некалькі івэнтаў пройдуць і афлайн у Вільні.
Дата: з 23 па 27 кастрычніка
Месца: анлайн; 27 кастрычніка — афлайн у Вільні
Сёлетняя тэма — «Інфраструктура гасціннасці ад лакальнага турызму да буйных міграцыйных працэсаў».
Праз падзеі апошніх гадоў і паслабленні кавідных абмежаванняў усё больш людзей перасоўваецца паміж гарадамі і краінамі, сутыкаецца з кантэкстам незнаёмых гарадоў і вымушана аператыўна вучыцца арыентавацца ў новых умовах.
Цэнтральныя пытанні ў павестцы:
Ці надышоў час змяніць падыходы да планавання тэрыторый і ўлічваць дынаміку перасоўвання людзей?
Ці можна зрабіць досвед перасоўвання ад кропкі да кропкі больш гладкім і інклюзіўным?
Ці не прывядзе гэта да ўніфікацыі прастор і страты ідэнтычнасці?
Вывучайце праграму па спасылцы і рэгіструйцеся там жа. Удзел бясплатны.
