“Хронікі Нарніі” ў Горадні
Пачатак: 24.10 (19:00)Канец: 24.10 (21:00)
Unnamed Venue
У рамках кампаніі “Пяцісотгоднасць” адбудзецца прэзентацыя першага беларускага перакладу кнігі “Хронікі Нарніі. Пляменнік чараўніка”. Прадставіць кнігу адзін з ініцыятараў выдання, Аляксей Шэін.
На сустрэчы размова пойдзе і пра гісторыю жанра фэнтэзі. Удзельнікі даведаюцца аб тым, хто быў прадвеснікам і заснавальнікам канону, як гэты жанр развіваўся ў сусветнай літаратуры, а таксама як ён выглядае ў сучаснай беларускай літаратуры. Будзе таксама і віктарына з прызамі ад кампаніі “Будзьма беларусамі!”
“Хронікі Нарніі” – адна з найбольш прадаваных кніг ХХ стагоддзя. Сёлета першая кніга цыкла выйшла на беларускай мове.
Аляксей Шэін – аўтар фэнтэзі-рамана “Сем камянёў”, які ў 2015 г. у Беларусі стаў бэстселерам.
Месца правядзення сустрэчы: Будзённага, 48а/63.
Час: 24 кастрычніка, 19.00.
