Кірмаш-фестываль «Таямнiцы Майстэрства» ў «Е-сіці»

Напярэдадні аднаго з галоўных вясновых святаў – Міжнароднага жаночага дня – у гандлёва-забаўляльным цэнтры «Е-city» з 4 па 5 сакавіка пройдзе фестываль-кірмаш «Таямніцы Майстэрства», які збярэ на адной пляцоўцы сучасных майстроў-рамеснікаў. Час правядзення мерапрыемства: з 9.00 да 21.00.

Мерапрыемства праводзіцца ў Мінску штогод і кожны раз здзіўляе гасцей разнастайнасцю прадстаўленых творчых праектаў, вырабаў і майстар-класаў ад лепшых творцаў hand-made.

Кожны год праект прытрымліваецца адной мэты – прасоўванне сучаснай рукатворнай творчасці ў Беларусі, стварэнне пляцоўкі для майстроў і таленавітых людзей, дзе яны могуць аб’ядноўвацца, прадстаўляць свае працы і дасягаць новых вяршыняў. Акрамя таго, адкрытая сцэна фэсту «Таямніцы Майстэрства» можа стаць ідэальным месцам для пачатку свайго творчага шляху, бо арганізатары падтрымліваюць любую творчую ініцыятыву і гатовыя забяспечыць годны старт пачаткоўцам творчым калектывам і маладым талентам.

На кірмашы рамеснікаў і сучаснага handmade мастацтва вы зможаце акунуцца ў чароўную атмасферу творчасці. Тут будуць прадстаўлены аўтарскія душэўныя працы: букеты з цукерак, пацешныя цацкі handmade, біжутэрыя ў стылі макрамэ, вырабы са скуры, упрыгожванні ў японскім стылі канзашы, мыла ручной працы, непаўторныя керамічныя вырабы, дэкаратыўныя васковыя свечкі, вырабы з шкляных пацерак і многае іншае.

Майстры handmade будуць дэманстраваць сваё мастацтва ў майстар-класах, якія дазволяць кожнаму жадаючаму выпрабаваць сябе ў ролі стваральніка паштовак, керамічных вырабаў, аўтара дэкаратыўных інтэр’ерных упрыгожванняў.

Удзельнікі фестывалю-кірмашу «Таямнiцы майстэрства» атрымаюць магчымасць напрамую пагутарыць са сваімі кліентамі, перадаць свой вопыт іншым у рамках майстар-класаў, а таксама расказаць ўсіх неабыякавых аб сваім брэндзе і атрымаць фатаграфіі на памяць.

Фестываль-кірмаш народных рамёстваў «Таямнiцы Майстэрства» – ідэальны варыянт для правядзення сямейнага выхаднога дня, дзе вы зможаце атрымаць зарад станоўчых эмоцый, а таксама знайсці падарункі для сваіх дарагіх дам да свята Восьмага сакавіка і набыць сувеніры, якія яшчэ доўга будуць дарыць радасць і цяпло!