Прэзентацыя электроннай кнігі, выдадзенай “Тваім стылем” у канцы мінулага года, пройдзе ў галерэі “Крыга” ў суботу 25 студзеня. На прэзентацыі будуць прысутныя аўтар, рэдактар і мастацкі рэдактар кнігі.
Прысутныя атрымаюць у падарунак паштоўкі, надрукаваныя Сцяпанам Стурэйкам адмыслова для прамоцыі. Будзе магчымасць пабачыць таксама некалькі ўнікальных папяровых экзэмпляраў выдання. Прэзентацыя пройдзе 25 студзеня ў галерэі “Крыга”. Пачатак у 12.00. Кніга Сцяпана Стурэйкі “Разрушыцель” – кароткая іранічна-фантастычная аповесць на тэму аховы культурнай спадчыны. Аўтар паспрабаваў праз мастацкую форму наблізіць праблемы, якімі ён займаецца навукова.
