У сераду, 3 ліпеня, брэндолаг Дзяніс Місюла чытае ў Сопаце лекцыю «Айдэнтыка, якая прыносіць прыбытак».
Дата: 3 ліпеня
Час: 18.00 (час мясцовы)
Месца: Мара Хаб, Jacka Malczewskiego, 21, Сопат
Дзяніс Місюля, заснавальнік брэндынгавага агенцтва «Малако», раскажа пра тое, чаму ў аднаго брэнда ёсць ідэя, а ў другога яе ніхто не заўважае. Вы атрымаеце практычныя парады, як шукаць і развіваць ідэі для брэндаў і як рабіць іх працоўнымі, а значыць прыбытковымі.
Гэта івэнт, на якім:
вы даведаецеся адну з методык, па якой працуюць графічныя і брэнд-дызайнеры ў агенцтве Малако;
вы паглядзіце дзясяткі кейсаў, дзе ў айдэнтыкі ёсць ідэя і яна выдатна раскладваецца на камунікацыю;
вы даведаецеся, што значыць крэатыў у айдэнтыцы для кліента і як на яго варта глядзець з боку агенцтва;
атрымаеце арыенціры, дзе шукаць ідэі для сваіх работ;
зможаце пагутарыць на тэму брэндынгу і маркетынгу ў гэтай сферы.
Лекцыя будзе карысная графічным дызайнерам, спецыялістам, якія працуюць у брэндынгу, маркетолагам і ўладальнікам кампаній.
Уваход вольны. Рэгіструйцеся па спасылцы.
