17 ліпеня ў варшаўскім доме культуры «Сланечнік» мастачка Леся Пчолка чытае лекцыю «Мова рэпрэсій — іх родная мова».
Дата: 17 ліпеня
Час: 17.00 (час мясцовы)
Месца: Салідарны дом культуры «Сланечнік», Pańska 3, Варшава
«Тэма дэкаланізацыі і байкоту рускай культуры падымаецца амаль на ўсіх міжнародных пляцоўках. Працаўнікі_цы культуры Украіны заклікаюць байкатаваць усё, што звязана з краінай — агрэсарам. У гэтых абмеркаваннях сустракаю важныя але і супярэчныя думкі ў дачыненні да беларусаў, культура якіх заўсёды існавала ў апазіцыі дзяржаве, — кажа спадарыня Леся. — Сёння ў Беларусі пераследуюць за нацыянальныя сімвалы і мову, НДА ліквідаваны і ўсё незалежныя галерэі зачынены — у той жа час многія інстытуцыі Еўропы выключаюць беларусаў_к з выставак і праграм падтрымкі. На сваёй лекцыі я хачу пагаварыць аб гэтым і аб тым як вайна паказвае рознасць нашых нацый».
Леся Пчолка — мастачка, заснавальніца архіва VEHA. У сваёй практыцы факусуецца на тэмах памяці, паўсядзённасці, нябачнай гісторыі. У 2021 годзе была вымушана з’ехаць з Беларусі і цяпер жыве і працуе ў Гданьску.
Уваход вольны.
