Лекцыя «Марк Шагал: Песня Песняў даўжынёй у жыццё» ў Мастацкім музеі ў Мінску

У суботу, 23 траўня, у Мастацкім музеі адбудзецца лекцыя «Марк Шагал: Песня Песняў даўжынёй у жыццё».

У мастацтве ХХ стагоддзя цяжка знайсці мастака з больш свабодным паэтычным уяўленнем, чым Марк Шагал. Ён пражыў доўгае творчае жыццё і рэалізаваў сябе ў многіх відах мастацтва.

Ён стварыў дзіўны свет-міф, дзе ў мудрагелістым сплаве зліліся прыземленая штодзённасць мястэчка мяжы аселасці, хасідскі містыцызм, парыжскае «Сонца Мастацтва» і імклівая, па-дзіцячаму нястрымная фантазія.

Шагал казаў: усё, што я зрабіў у мастацтве, народжана каханнем. Аб каханні мастака, якое ён пранёс праз усё жыццё і абяссмерціў у сваіх творах, і пагавораць.

• чаму Марк Шагал лічыў сваім адзіным сапраўдным настаўнікам сціплага віцебскага жывапісца Юрыя Пэна;

• што такое Парыжская школа, у чым яе адрозненне ад іншых мастацкіх суполак ХХ ст. і якое месца ў ёй належыць Марку Шагалу;

• якую ролю адыграў Шагал у ператварэнні Віцебска ў адзін з вядучых цэнтраў авангарднага мастацтва;

• якія творы Марка Шагала з’яўляюцца знакавымі для сусветнай мастацкай культуры?

А па заканчэнні лекцыі яшчэ раз павольна паглядзіце карціну «Прагулка», якая цяпер экспануецца ў Мастацкім.