18 лютага філіял Веткаўскага музея ў Гомелі рады запрасіць вас на куратарскую экскурсію «Лёс Бабіцкага леса» (Бабіцкая ткацкая традыцыя і яе семантыка).
Дата: 18 лютага
Час: 18.00
Месца: філіял Веткаўскага музея ў Гомелі, пл. Леніна, 4а, Гомель
Бабіцкая ткацкая традыцыя — унікальная з’ява народнай культуры Гомельшчыны. Цэльная, тэхналагічна абумоўленая традыцыя, якая «замком» тэхналогіі нібыта зберагла архаічныя рысы.
Як пазнаць сярод разнастайных тыпаў бабіцкае ткацтва? Па якіх канонах стваралася кампазіцыя? Адкуль узяліся ўзоры, якімі размаўляла гэта традыцыя? Якія архетыпы выкарыстоўвалі ткачы ў той час? На гэтыя ды іншыя пытанні падчас куратарскай экскурсіі адкажа дырэктар Веткаўскага музея Пятро Цалка.
Удзельнікі змогуць прысесці за старажытныя кросны і сваімі рукамі дакрануцца да традыцыі і спрычыніцца да яе адраджэння і развіцця.
Кошт удзелу — 2 рублі.
