Каляды – адно з самых містычных і таямнічых святаў славянаў. Яно звязана з наступленнем светлых сіл сонца на змрочныя сілы ночы ў дзень зімовага сонцавароту, калі дзень павялічваецца, а ноч змяньшаецца.
У гэты дзень вяскоўцы да сіх пор збіраюцца разам і калядуюць: перапранаюцца ў вобразы татэмных жывёлаў, ходзяць у госьці, спяваюць абрадавыя песні і праганяюць цемных духаў. Гаспадары хат, куды завіталі калядоўшчыкі, частуюць іх святочнымі прысмакамі.
Галоўны сымбаль свята – “Калядная Зорка”, яна сымбалізуе зорку Віфлеемскай ночы. Звычайна зорку рабілі пяці- ці васьміканцовай, аздаблялі каляровай паперай, бліскучымі стужкамі, бантамі і тканінай. У цэнтр Зоркі наклейвалі абраз, малюнак ці ўсталёўвалі батлеечных персанажаў.
Мы прапануем зрабіць зорку па традыцыйных матывах, а ў яе цэнтр наклеіць фатаграфію з сямейнага архіва. Старыя здымкі валодаюць неверагоднай магіяй і прыгажосьцю, асабліва калядныя і навагоднія. Такая зорка стане ўнікальным упрыгожваннем вашага дома і створыць атмасферу чароўнага свята.
Курс двухдзенны – 21 і 23 снежня.
Кошт 35 рублёў. Усе матэрыялы ўключаныя.
Арганізатары: мастацкая майстэрня 6B (6bmm.by) і культурны праект VEHA (veha.of.by).
Запіс: +375 44 475 0007 askme6b@gmail.com
Давайце дзяліцца добрымі ўспамінамі, шанаваць памяць продкаў і іх прыгожыя традыцыі – завітвайце на каляднае, зорнае, беларускае!
Спасылкі на мерапрыемства ў сацыяльных сетках:
https://www.facebook.com/events/190540164831258/ https://vk.com/kalyadnayazorka
