У нядзелю, 19 сакавіка а 14-й, у філіяле Веткаўскага музея — круты майстар-клас па вырабе андарака.
Дата: 19 сакавіка
Час: 14.00
Месца: філіял Веткаўскага музея, пл. Леніна, 4а, Гомель
Андарак — гэта традыцыйная доўгая шырокая спадніца.
Правядзе майстар-клас Наталля Кадзетава, загадчыца філіяла музея. Спадарыня Наталля раскажа і пакажа ўсе сакрэты стварэння прыгожага андарака.
Што неабходна ўзяць з сабой на майстар-клас:
тканіну на спадніцу — ваўняную, ільняную ці на крайні выпадак сацінавую. Памер тканіны — неабходная вам даўжыня памножаная на 2, плюс 10 сантыметраў, шырыня ад 1 метра (андарак — спадніца доўгая: абавязкова ніжэй за калена, пажадана па шчыкалатку, альбо амаль да падлогі). Традыцыйна шылі андарак з чырвонай тканіны / у клетку / у палоску;
20 сантыметраў бартоўкі (грубая тканіна, пажадана ільняная, якая ідзе на падшыўку бартоў);
ніткі і іголку (калі ёсць добрыя нажніцы, бярыце і іх).
Калі не паспееце набыць тканіну — можна прыйсці і без яе. На занятку пакажуць тэхніку і алгарытм, і вы самастойна зможаце зрабіць свой андарак дома.
Кошт — 3 рублі.
На майстар-клас трэба загаддзя запісацца па нумары +375(232)509698 ці праз дырэкт фэйсбука музея.
