Міжкультурны сямейны пікнік у Торуні

У суботу, 13 чэрвеня, этнаграфічны музей Торуня ладзіць традыцыйны міжкультурны сямейны пікнік «Абмен традыцыямі». І беларусы, вядома, бяруць удзел!

Абменьвацца сёлета прапануюць беларускімі, украінскімі, турэцкімі, кітайскімі, а таксама польскімі традыцыямі.

Галоўная тэма беларускага падворка – традыцыйнае беларускае вяселле.

На свята прыедуць беларускія артысты і носьбіты традыцыі, якія прадстаўляюць беларускую культуру на фестывалях і культурных імпрэзах.

Вас чакаюць жывыя спевы, музыка на народных інструментах, танцавальныя забавы, абрады і майстар-класы для дзяцей і дарослых.

Вось якая праграма:

• 15:00–15:30 | 18:15–18:45 Майстар-клас па вясельных спева
• 15:00–16:00 | 18:30–19:30 Майстар-клас па вырабе аздоб з саломкі
• 15:00–16:30 Майстар-клас па вырабе лялькі-матанкі
• 15:00–17:00 Майстар-клас па вырабе вясельнага вянка з васкавых кветак
• 15:00–17:00 Майстар-клас па пляценні раслінных вянкоў
• 15:00–17:00 | 17:30–19:30 Роспіс беларускіх арнаментаў хной
• 15:30–17:00 Майстар-клас па ткацтве габелена з траў
• 15:30–19:45 Майстар-клас па традыцыйных тэхніках ткацтва
• 16:00–16:40 (Галоўная сцэна) Вясельныя традыцыі: песні і танцавальныя забавы
• 16:40–17:40 Беларускія вясельныя традыцыі. Вясельны стол
• 17:00–19:15 Майстар-клас па ткацтве на рамцы з воўны і натуральных матэрыялаў
• 17:15–18:45 Майстар-клас «Гліняныя сімвалы сям’і і шлюбу»
• 17:15–19:30 Майстар-клас па народнай выцінанцы
• 17:45–20:00 Майстар-клас па народных танцах і спевах
• 19:00–19:30 Традыцыйная музыка, народныя інструменты і танцавальныя забавы

• інфармацыйная пляцоўка «Сучасная Беларусь»
• Рамёствы, сувеніры і вырабы ручной працы
• Беларускія прысмакі: халаднік, дранікі, бабка, збіцень і іншыя смачныя сюрпрызы