9 верасня ў Брэсце пачынаецца Міжнародны тэатральны фэст «Белая вежа», які будзе доўжыцца па 16 верасня.
Дата: з 9 па 16 верасня
Месца: розныя тэатральныя пляцоўкі Брэста
Сёлета ў праграме 28 спектакляў з Арменіі, Беларусі, Балгарыі, Грэцыі, Даніі, Кыргызстана, Польшчы, Расіі і Узбекістана.
Пастаноўкі пройдуць на 5 пляцоўках горада: у вялікай і малой залах Брэсцкага акадэмічнага тэатра драмы, Брэсцкім тэатры лялек, на Плошчы Леніна і ў Армейскім клубе Брэсцкай крэпасці.
Сярод іншага можна паглядзець:
спектакль «#ЭтоВсёОна» маскоўскага Творчага аб’яднання #театр_чё па п’есе беларускага драматурга Андрэя Іванова;
«Старасвецкія памешчыкі» гарадзенскага тэатра лялек у пастаноўцы Алега Жугжды;
«Дзіўныя прыгоды паноў Кубліцкага і Заблоцкага» магілёўскага тэатра лялек у пастаноўцы Ігара Казакова;
«Жыццё» Брэсцкага тэатра лялек;
«L’amour, l’amour — Каханне, каханне» Беларускага дзяржаўнага акадэмічнага музычнага тэатра;
«Зорка кахання» віцебскага Народнага моладзевага тэатра «Кола».
А на закрыцці фэста 16 верасня Рэспубліканскі тэатр беларускай драматургіі пакажа свой славуты спектакль «Пачупкі».
Падрабязны расклад глядзіце па спасылцы. Там жа можна набыць і квіткі.
