У панядзелак, 20 сакавіка, у прасторы «Вершы» развітваюцца з зімой і ладзяць музычны вечар з Францам Шубертам.
Дата: 20 сакавіка
Час: 20.00
Месца: прастора «Вершы», вул. Кастрычніцкая, 19, Мінск
Будуць граць шубертаўскі «Зімовы шлях» — цыкл вакальных мініяцюр Шуберта з суправаджэннем фартэпіяна, які складаецца з 24 песень.
Гэта сумны, трагічны халодны шлях адзіноцтва і расчаравання, пранізаны, як ветрам, кранальна шчырай музыкай і настроем, у якім мы будзем, кожны па-свойму, але побач адно з адным, спрабаваць перажыць сваю «зіму», каб потым адчуць блізкасць і цеплыню вясны. Яна ўжо блізка.
Выступаюць:
Таццяна Гаўрылава (сапрана)
Вольга Запольская (фартэпіяна)
Арцём Курань (літаратурны тэкст)
Квіткі — 20 рублёў на ўваходзе.
