Ноч міфаў на Глыбоччыне
06.08.2022 - 07.08.2022
14:00 - 04:00
аграсядзіба «Запаведная выспа»
100 рублёў
У ноч з 6 на 7 жніўня аграсядзіба «Запаведная выспа», што ў вёсцы Шо на Глыбоччыне, ладзіць Ноч міфаў. Прыязджайце ды прайдзіце шлях ачышчэння, паглыбцеся ў свет продкаў, напоўніце сілай добрую руну, якая будзе бараніць вас цэлы год.
Дата: з 6 на 7 жніўня
Час: ад 14.00 да 01.00
Месца: аграсядзіба «Запаведная выспа», в. Шо, Глыбоцкі раён
Вось якую абяцаюць праграму:
14.00 — 16.00 Прыезд гасцей. Месцаванне. Знаёмства з сядзібай «Запаведная выспа». Частунак ад гаспадара сядзібы.
16.00 — 21.00 Наведанне Выспы Кахання. Сустрэча з Чараўніцай. Удзел у таямнічым абрадзе.
Лазня. Вадзяны бар. Ахоўная любосная руна (толькі для кабет)
Варожбы з прадказаннем лёсу.
Гатаванне любізніку, зелля для дабрабыту і інш.
Майстар-класы ад рамеснікаў.
Індывідуальная рыхтоўля да містычнай ночы.
18.00 — 19.00 Вячэра.
21.00 — 23.00 Камандныя выпрабаванні: змаганне з нечысцю; выпрабаванні на цвярозасць, трапнасць, устойлівасць, адвагу, кемлівасць; даўнейшыя танцы і ігры; Агнявое шоу.
23.00 — 1.00 Выйсце на містычную сцежку.
Начныя страхі
Містычныя абрады
Спеўнае дрэва
Рунічныя знакі
Пошукі скарбу
І шмат што-шмат якое іншае!
1.00 Фінальнае дзейства. Агнявы абрад з... Ноч, лес, злыя і добрыя духі... Дрэва адкажа на ўсе вашы пытанні... Аржавеннік, Зазоўка, русалкі, Трасца — каго яшчэ вы сустрэнеце ў запаведным лесе?
Якія выпрабаванні мы маем прайсці? Гэта будзе містычны шлях да святла. Далучайцеся!
Толькі загадзя паведаміце пра свой прыезд гаспадару сядзібы, +375 29 663 99 46 (званком ці паведамленнем у вайбер), каб да вашага прыезду падрыхтаваліся, бо ў кошт уваходзіць смачная вячэра з сняданкам.
Кошт удзелу з месцаваннем у намётавым мястэчку і сілкаваннем (намёт і ўсё вам патрэбнае трэба мець сваё) — 100 рублёў.
Можна арандавать хатку. Умовы арэнды хатак удакладняйце ў Віктара Каравая праз
фэйсбук ці па нумары +375 29 640 06 15.
