У суботу, 18 траўня, у музеі Максіма Багдановіча — ноч музеяў.
Дата: 18 траўня
Час: з 19.00 да 02.00
Месца: музей Максіма Багдановіча, вул. Багдановіча, 7а, Мінск
Прапануюць разам глянуць на мінулае і параўнаць з сучаснасцю, пагуляцца з класічнымі і мадэрновымі формамі, узгадаць старое і даведацца пра нешта новае.
Вас чакаюць:
Выступленне ансамбля салістаў «Класік-Авангард» пад кіраўніцтвам Людмілы Каліноўскай vs Песні на словы беларускіх паэтаў;
Спектакль-буфанада «Мушка-зелянушка і Камарык — насаты тварык» ад студэнтаў тэатральнай кафедры БДУКІМ vs Традыцыйны лялечны спектакль батлейка;
Квіз па жыцці і творчасці Максіма Багдановіча vs Моўныя рэбусы;
Салонная гульня «Флірт-залёты» vs Хуткія літаратурныя спатканні;
Малыя скульптурныя формы з Нацыянальнага мастацкага музея Рэспублікі Беларусь vs Майстар-клас па вырабу медаля «Максім Багдановіч»;
Сучасная анімацыя vs Беларускія дыяфільмы пачатку 1990-х гадоў;
Архіўныя росшукі vs Нашы продкі ў інтэрнэце;
Custom адзення ад Святланы Верабей vs Квэст па вопратцы канца XIX — пачатку XX стагоддзя;
Гісторыі з куфэрка бабы Рузаліі Асьмак vs Метафарычныя карты.
Квіток — 15 рублёў.
Рэгістрацыі не патрэбна — проста прыходзьце.