21 траўня віцебская арт-прастора «Талстога,7» запрашае на імпрэзы Ночы музеяў.
Дата: 21 траўня
Час: з 16.00
Месца: арт-прастора «Талстога, 7», вул. Талстога, 7, Віцебск
Праграма:
А 16 гадзіне — фоталабараторыя пад кіраўніцтвам віцебскага фатографа Юрыя Раброва, які пакажа ўвесь працэс стварэння плёначнага фотаздымка.
А 17-й гадзіне ў музей завітае расійскі цыркавы артыст Мікалай Чалнакоў з перформансам «Цырк у маім сакваяжы».
А 18-й дырэктар Віцебскага цэнтра сучаснага мастацтва Андрэй Духоўнікаў пачне аўтарскую экскурсію па музею. Да таго ж, чакаецца, што тут збяруцца ўсе 13 мастакоў, чыя творы зараз экспануюць у музеі. З імі можна будзе пазнаёміцца і паразмаўляць.
У 19 гадзін адкрыецца калажная майстэрня мастачкі Ганны Карасёвай. Яна прапануе паўдзельнічаць у арт-праекце «Адлюстраванне» і стварыць вялікі сумесны твор разам.
У 21.30 — светлавое шоў ад студыі Cool kids.
А ў 22.30 — кінапаказ.
