30 красавіка берасцейская экскурсавод Вольга Малафеева запрашае ахвотных у вандроўку па касцюшкаўскіх мясцінах Беларусі.
Дата: 30 красавіка
Час: з 8.00 праз цэлы дзень
Месца: Брэст
У праграме:
два музеі Касцюшкі (Малыя Сяхновічы і Косава);
палац Пуслоўскіх у Косаве і брама сядзібнага парку ў Старых Песках;
пахаванне апошняга з роду Касцюшак у Кобрыне;
капліца ў памяць загінуўшых у Крупчыцкай бітве ў 1794 годзе (Чыжэўшчына);
драўляная царква 16 ст. у Здзітаве;
рэшткі кляштара картэзіянцаў у Бярозе.
Кошты:
70 рублёў на мікрааўтобусе (для тых, хто ўжо вандраваў са спадарыняй Вольгай, зніжка 10 рублёў);
30 руб. на сваім аўто (калі можаце ўзяць яшчэ пасажыраў — паведамляйце).
Дадаткова: ежа ў дарозе. Пры жаданні можам замовіць вячэру на групу пасля экскурсійнай праграмы.
Запіс па e-mail brestgid.volha@gmail.com Напішыце ваша імя і прозвішча, нумар тэлефона, які транспарт.
Далучайцеся да цёплай кампаніі і вандруйма разам па Беларусі!
