22 траўня ў Беластоку — новы занятак «Мова Нанова»! Дужа незвычайны! Падчас заняткаў адкрыецца выстава беларускай татуіроўкі «Беларусь на целе».
Дата: 22 траўня
Час: 19.30 (час мясцовы)
Месца: беларускі хаб «Новая Зямля», Kard. Stefana Wyszyńskiego 6A, Беласток
Выстава расказвае гісторыі татуіровак, якія беларусы рабілі пасля падзей 2020 года, рэпрэсій, вымушанай эміграцыі і пачатку вайны. Кожны малюнак на целе адлюстроўвае гераічныя, цяжкія, але і вельмі кранальныя падзеі, лёсы людзей і іх сямей.
Адкрые выставу госця «Мовы Нанова» — Яўгенія Доўгая, журналістка і грамадская актывістка, аўтарка праекта, а таксама ініцыятывы «Палітвязынкі».
А Кацярына Ваданосава, як водзіцца, працягне рабіць Янку Купалу яшчэ бліжэйшым і даражэйшым для нас.
Уваход, вядома ж, вольны, данаты вітаюцца!
