Паказ фільма «Беларусь 23.34» у Лодзі

 

У аўторак, 25 сакавіка, у Лодзі адбудзецца паказ дакументальнага фільма Таццяны Свірэпы «Беларусь 23.34».

Фільм «Беларусь 23.34» — гэта гісторыя 25 беларусаў, якія сутыкнуліся з рэпрэсіямі са жніўня па снежань 2020-га:

хлопец, які проста ехаў на ровары каля абеліска «Мінск-Горад-Герой» і трапіў у пекла на Акрэсціна;

сантэхнік, які выйшаў на станцыю «Фрунзенская», таму што цягнік метро далей не пайшоў, і праз некалькі хвілін ужо ляжаў на тратуары з адарваным абцасам;

маці семярых дзяцей, якая, абараняючы сына, ішла да турэмнага грузавіка і бачыла, як яго абліваюць чырвонай фарбай;

лекарка, якую атруцілі газам у турэмным грузавіку, а потым прымусілі прыгнуцца і бегаць па калідорах жодзінскай турмы...

Фільм прасочвае шлях пратэстоўца ў Беларусі: ад дэманстрацый і затрымання, праз судовы працэс, зняволенне, вызваленне і спробы справіцца з перажытым досведам.


Фільм ідзе на рускай і беларускай мовах з польскімі субтытрамі.

Па сеансе адбудзецца дыскусія з рэжысёркай Таняй Свірэпай і Мартай Павловіч-Бобак, польскай археалагіняй, выкладчыцай Універсітэта Жэшува, а таксама актывісткай Stowarzyszenie Folkowisko, якое актыўна падтрымлівае беларусаў.

Таксама будзе акцыя па напісанні паштовак палітвязню, які з’яўляецца адным з удзельнікаў фільма.

Квіткі коштам 15 злотых бярыце па спасылцы.