У сераду, 23 кастрычніка, у Беларускім Моладзевым Хабе адбудзецца новая сустрэча клуба беларускага кіно «Кінакола».
Дата: 23 кастрычніка
Час: 18.45 (час мясцовы)
Месца: Беларускі Моладзевы Хаб, Dożynkowa, 6a, Варшава
Гэтым разам пакажуць падлеткавую драму «II» («Два»), а пасля прагляду адбудзецца сустрэча з аўтаркай Уладай Сяньковай.
Героі фільма, 16-гадовыя Насця, Саша і Крысціна, вучацца разам у дзясятым класе. У школе пануе суровая дысцыпліна і цяжка быць не такім, як усе.
Але аднойчы гэты маленькі свет патрасе навіна, з-за якой усе страхі і забабоны вылезуць вонкі.
Фільм распавядае пра сяброўства і здраду, адносіны паміж падлеткамі і дарослымі, булінг і нецярпімасць.
Стужка атрымала спецыяльную ўзнагароду журы на Варшаўскім кінафестывалі у 2019 годзе.
Арганізатар і вядучы «Кінакола» — Мікалай Лаўранюк.
Уваход вольны, данаты на падтрымку Хаба вітаюцца. Рэгіструйцеся па спасылцы.
