29 красавіка падчас фестываля «Па суседстве/Побач. Незалежнае мастацтва з Беларусі» ў Дрэздэне адбудзецца перформанс беларускага акцёра Ігара Шугалеева «375 0908 2334 — The body you are calling is currently not available» («375 0908 2334 — цела, якому вы тэлефануеце, недаступна).
Дата: 29 красавіка
Час: 22.00 (час мясцовы)
Месца: Hellerau (Großer Saal), Karl-Liebknecht-Str. 56, Дрэздэн
375 0908 2334:
375 — тэлефонны код Рэспублікі Беларусь
0908 — дата прэзідэнцкіх выбараў. Незадаволенасць вынікамі выбараў выліліся ў рэвалюцыйны пратэстны рух, які працягваецца дагэтуль.
2334 — нумар артыкула КаАП «Парушэнне парадку арганізацыі або правядзення масавых мерапрыемстваў», паводле якога са жніўня 2020 года асуджана больш за 40 тысяч беларусаў.
Ідэя перформансу ўзнікла з пратэсту супраць гвалту, супрацьстаяння працяглым стрэсам, страху і пераадолення пачуцця віны, у якім свядома ці не жывуць беларусы сёння.
Гэта запрашэнне ўявіць сябе затрыманым у Беларусі, прайсці праз беззаконне, незаконнасць і абурэнне, якія перажылі дзясяткі тысяч мірных жыхароў — гвалт, які працягваецца дагэтуль.
Выканаўца выкарыстоўвае даволі просты спосаб стасункаў з аўдыторыяй: атаясамляючы сябе з затрыманым, ён мадэлюе сітуацыю цялеснага перажывання катаванняў і пераводзіць безаблічнага чалавека з інфармацыйнага поля ў фізічнае, трансфармуе умоўную ахвяру з навіны ў жывога чалавека.
