• budzma.org
  • Пра нас
  • Крама
Будзьма беларусамі! Будзьма беларусамі!
telegram Tiktok www.instagram.com/budzma/ Facebook.com vk.com twitter.com youtube.com
  • Актуаліі
  • Меркаванні
  • Гісторыя
  • Літаратура
  • Музыка
  • Гатуем з «Будзьма!»
  • Гісторыя за 5 хвілін
  • Трызуб і Пагоня
  • Разумняты
  • Вандруем разам
  • Афіша

АФІША

Літаратура Мінск

Прэзентацыя часопіса “Наша гісторыя”

Пачатак: 27.11 (17:30)
Канец: 27.11 (17:30)
Нацыянальны гістарычны музей
(Мінск, вул. Карла Маркса, 12)
Google

27 лістапада ў 17.30 у Нацыянальным гістарычным музеі Рэспублікі Беларусь адбудзецца прэзентацыя часопіса “Наша гісторыя”.

“Наша гісторыя” – першы глянцавы часопіс пра беларускую і  сусветную гісторыю. Агульны наклад першых чатырох нумароў перавысіў 30 000 асобнікаў! Гэта папулярныя артыкулы ад найлепшых навукоўцаў, а таксама гістарычныя коміксы, нечаканыя тэмы і новыя ракурсы знаёмых падзей, унікальныя ілюстрацыі і новыя фарматы.

На прэзентацыі можна будзе набыць чацвёрты нумар па цане ад выдаўцоў, купіць толькі што надрукаваны фірмовы каляндар “Нашай гісторыі”, а таксама сустрэцца з аўтарамі свежага нумару часопіса і галоўным рэдактарам Андрэем Дынько.

Як Васіль Быкаў стаў Васілём Быкавым? Што выхавала ў ім цвёрдасць, што зрабіла яго сумленнем нацыі? Назіраннямі падзеліцца журналіст Андрэй Скурко. Знакамітая літаратуразнаўца і пісьменніца Ганна Севярынец, аўтарка артыкула пра тое, як каханка Маякоўскага Зося Шамардзіна стала першай лэдзі БССР, раскажа пра Менск 1920-х: багемны, вясёлы, суровы і страсны. Якія хітрыкі дазволілі прыняць Статут ВКЛ 1588? Таямніцу адкрые кандыдат гістарычных навук Уладзімір Падалінскі. Думаеце, гарматы патрэбныя былі нашым продкам, каб ваяваць? Ды не – каб даваць салюты! Бо якое свята без салюту! Пра традыцыі святкаваць дні нараджэння, сустракаць цешчу феерверкам і даваць з дзясятак залпаў на свае імяніны раскажа кандыдат гістарычных навук Мікола Волкаў. І яшчэ многа цікавага. 100 старонак захапляльнага падарожжа ўглыб гісторыі!

Асаблівую атмасферу на прэзентацыі створыць гурт “Рада”, які заспявае і навучыць гасцей старадаўнім гістарычным песням. Гурт існуе з 2006 года, сам збірае і апрацоўвае аўтэнтычныя песні з розных рэгіёнаў Беларусі.

Адрас: г. Мінск, вул. К. Маркса, 12

Штодня з 11.00 да 19.00

тэл. 327-43-22

histmuseum.by


« Папярэдняя падзея
Наступная падзея »

Важнае пра нас

  • Што такое "Будзьма беларусамі!"
  • Рэкламадаўцам
  • Асобы кампаніі
  • Усе праекты "Будзьма!"
  • Рэдакцыйная пошта: [email protected]

Папулярнае

    • «Мне заўсёды быў чужы такі тупы беларускі нацыяналізм». Вялікая размова з Альгердам Бахарэвічам
    • «Карані таго, што з намі адбываецца цяпер — у цалкам падпарадкаванай Маскве Советской Белоруссіі». Лявон Вольскі наўздагон дню народнага адзінства
    • Двое сяброў 10 гадоў падарожнічалі па краіне і выдалі кнігу пра неверагодна прыгожую Беларусь
    • Ці быў выхад з СССР незаконным?
    • Што паслухаць у апошнія цёплыя дні восені: эксперыментальная электроніка, міфалагічны рэп і змрочны эмбіент
© Грамадская культурніцкая кампанія «Будьма беларусамі!», 2008-2019.
Логотип