27 сакавіка ў мінскім бізнес-клубе Imaguru адбудзецца прэзентацыя, прысвечаная палітычнаму вымярэнню гендарных перспектываў Беларусі. Прэзентацыю правядзе выкладчык дэпартамента сацыяльных і палітычных навук ЕГУ, этнолаг Уладзіслаў Іваноў (Гарбацкі).
Прэзентацыя будзе прысвечаная актуальнасці гендарнай тэмы ў цяперашняй Беларусі – аналізу як існай афіцыйнай гендарнай палітыкі Беларусі, так і розным лакальным ініцыятывам гендарных і фемінісцкіх калектываў, суполак.
Акцэнт робіцца на палітычным вымярэнні і палітычным аспекце дзейнасці мясцовых гендарных сацыяльных рухаў і актараў. Асобнае месца ў прэзентацыі прысвячаецца крытычнаму агляду гендарнай палітыкі і пошукам альтэрнатыўных шляхоў артыкулявання і вырашэння праблемаў, звязаных з гендарным пытаннем.
27 сакавіка, 18.00
бізнес-клуб Imaguru (г. Мінск, вул. Фабрыцыуса, 4)
