«Przez tory» прэм’ера дакументальнага фільма ў Лодзі
Пачатак: 18.12 (16:40)Канец: 18.12 (16:40)
Wytwórnia kina
Польская прэм’ера дакументальнага фільма «Праз рэйкі», адразу на наступны дзень пасля закрытай прэм’еры ў Мінску.
Дата: 18-га снежня.
Час: 16.40 (час мясцовы).
Месца: Wytwórnia kina, Łąkowa 29, Łódź, Польшча.
Узгадайце апошнія паўтары гады, пра што яны для вас? Падаецца, за гэты час свет перакульваўся і спрабаваў стаць на месца бясконцую колькасць разоў.
Чытаць па тэме: «Праз рэйкі»: фільм пра беларусаў Лодзі. Калейдаскоп, які дынамічна дакументуе важны перыяд для Беларусі
«Праз рэйкі» — дакументалка кантрастаў і настрою. Калейдаскоп, які дынамічна дакументуе важны перыяд для Беларусі, Лодзі і для шасці асобаў, якія распавядаюць свае гісторыі.
Студэнцтва — у любы час рухавік, а постіндустрыяльная і крыху постапакаліптычная Лодзь — ідэальная для стварэння новага. Ці не гэта прыцягвае замежных студэнтаў? А калі не гэта, то што? Запрашаем пазнаёміцца з досведамі беларускіх студэнтаў, іх шляхамі ў Лодзь і бачаннямі горада.
Рэйкі — адначасова супрацьлегласці, і паралелі, яны ўбягаюць у новае, не заўжды простае і не заўжды вядомае. Колькі ў Лодзі беларускага? А ў Беларусі лодзкага? Гэтыя рэйкі часам палохаюць, часам выклікаюць захапленне, часам перашкаджаюць, а часам робяцца нябачнай апорай.
