Публічная лекцыя Валянціна Акудовіча “Лёс нацыянальных праектаў перспектыве глабалізацыі свету”. Уваход вольны!
Глабалізацыя як сучасная рэальнасць і не/перспектыўная будучыня актыўна існуе ў сацыяльнай свядомасці з другой паловы XX стагоддзя. Гэта выдатная пляцоўка для міжнародных праектаў. Але ж як глабалізацыя стасуецца з праектамі нацыянальнымі?..
Які ён – беларускі нацыянальны праект, рэалізаваны ў глабальным свеце? Ці мае ён месца быць? На чым грунтуецца? На што арыентаваны?
Пра гэта і не толькі пачуем падчас чарговай публічнай лекцыі Лятучага Універсітэта ў Віцебску. Тэма – “Лёс нацыянальных праектаў у
перспектыве глабалізацыі свету”. Аўтар і выступоўца – вядомы беларускі філосаф Валянцін Акудовіч.
Сваім надзвычай прывабным стылем мыслення і расповяду Валянцін Акудовіч захапляе аўдыторыю. Варта спадзявацца, тое ж чакае і Віцебск.
Запрашаем усіх, каго цікавіць нацыянальная праблематыка, актуальная ў будучыні Беларусь і сучасная айчынная філасофская думка ў асобе спадара Акудовіча.
Суполка VK
