21 красавіка экскурсійны праект «Набліжэнне» запрашае на дабрачынны шпацыр па гістарычным цэнтры Мінска з экскурсаводам Кацярынай Фраловай.
Дата: 21 красавіка
Час: 19.00
Месца: Ратуша, пл. Свабоды, 2а, Мінск
Удзельнікі шпацыру даведаюцца:
— што ёсць што ў Верхнім горадзе (ці ўсё ж такі на плошчы Свабоды?);
— якія архітэктурныя стылі тут можна пабачыць;
— хто і калі ўсё гэта будаваў і хто ўратаваў ад зносу;
— гісторыі пра палітычных і ваенных дзеячоў, музыкантаў і мастакоў, гандляроў і масонаў.
Дабрачынныя шпацыры «Набліжэння» накіраваныя на знаёмства з роднымі мясцінамі і спазнаванне сваёй культуры. Па жаданні можна аддзячыць «Набліжэнню» данатам. Запіс на вандроўку не вядзецца — проста прыходзьце.
