«Снежны чалавек у Мінску» — 24 лістапада
24.11.2016
18:00 - 18:00
Мінская абласная бібліятэка імя А. Пушкіна (вул. Гікалы, 4)
Уваход вольны
24 лістапада (чацвер) у Мінскай абласной бібліятэцы імя Пушкіна (вул. Гікалы, 4) адбудзецца прэзентацыя новай кнігі шведскай пісьменніцы Эвы Суса «Снежны чалавек у Мінску» у перакладзе на беларускую мову Дзмітрыя Плакса і ў мастацкім афармленні Кацярыны Дубовік. З удзелам аўтаркі і мастака!
Кніга пра прыгоды Снежнага чалавека ў Мінску ўнікальная, бо найперш пабачыла свет менавіта ў беларускім перакладзе ў серыі для дзяцей “Каляровы ровар” Бібліятэкі Саюза беларускіх пісьменнікаў.
Снежны чалавек, створаны Эвай Суса, ужо знаёмы беларускаму чытачу —у 2013 годзе ў серыі “Каляровы ровар” выйшла аднайменная кніга ў перакладзе Алесі Башарымавай, аформленая французскім мастаком Бенжамэнам Шо.
На мастацкае аздабленне новай казкі быў абвешчаны конкурс, на які прыйшлі заяўкі ад маладых мастакоў як з Беларусі, так і з-за яе межаў. У выніку кампетэнтным журы была абраная Кацярына Дубовік — беларускі мастак, якая жыве ў Амстэрдаме і прыедзе ў Мінск адмыслова, каб разам з Эвай Суса узяць удзел у прэзентацыі кнігі. Выступіць таксама старшыня ГА “Саюз беларускіх пісьменнікаў” Барыс Пятровіч.
На вечарыне будуць цікавосткі (праграма ўдакладняецца). Запрашаем дзетак і іх бацькоў!
Пачатак у 18.00. Уваход вольны
Арганізатары: ГА “Саюз беларускіх пісьменнікаў”, Амбасада Каралеўства Швецыя ў Рэспубліцы Беларусь, партнёр — грамадская культурніцкая кампанія “Будзьма беларусамі!”
Прэс-служба ГА “Саюз беларускіх пісьменнікаў”
