Спектакль «Навошта жанчыне мастацтва?» у Варшаве (16+)
28.06.2025 - 29.06.2025
16:00 - 20:00
Teatr Powszechny, Trzecia Scena (Jana Zamoyskiego 20)
40 злотых
Гэтымі выходнымі, 28 і 29 чэрвеня, у Варшаве адбудзецца прэм’ера спектакля «Навошта жанчыне мастацтва?».
Будзе чатыры паказы.
Вас чакае роздум пра прыроду творчасці, унутранай свабоды і межаў, якія грамадства, гісторыя і абставіны накладваюць на людзей, асабліва на жанчын.
У цэнтры аповеду — лёсы дзвюх мастачак: беларускі Алёны Кіш і полькі Тамары Лемпіцкі.
Два жыцці, два погляды на мастацтва, два шляхі — і адно агульнае пытанне: што вызначае мастака?
Сацыяльны статус, паходжанне, прызнанне?
Ці, можа, унутраная патрэба ствараць — нягледзячы ні на што? Аўтары праводзяць паралель паміж асабістымі гісторыямі гераінь і гісторыяй дзвюх краін — Польшчы і Беларусі. Краіны, якія маюць агульнае мінулае, але ідуць рознымі шляхамі.
Гэта не толькі партрэты мастачак, але і роздум пра культурную памяць, ідэнтычнасць, расколіны і кропкі судотыку.
У п’есе таксама закранаецца тэма эміграцыі, як знешняй, так і ўнутранай.
Што выбірае творца: застацца ў сваёй краіне і змагацца з нябачнасцю ці з’ехаць і паспрабаваць існаваць у чужым свеце?
Дзе заканчваецца свабода і пачынаецца выгнанне?
Дзе дом мастака — дзе ён нарадзіўся ці дзе яго чуюць?
Рэжысёрка — Юлія Шаўчук
Кампазітарка — Вольга Падгайская
Дырэктар па асвятленні — Даніла Ганчароў
Касцюмы — Алена Лукіна.
Працягласць — 60 хвілін.
Квіткі коштам 40 злотых бярыце па спасылцы.
