17 лютага ў Музеі гісторыі беларускага кіно (Мінск. вул.Свярдлова, 4) адбудзецца творчая вечарына, прысвечаная дню роднай мовы. Вядучы вечарыны – паэт, сцэнарыст, кінарэжысёр Уладзімір Мароз (на фота).
Будуць дэманстравацца дакументальныя фільмы “Знакі лёсу. Віктар Казько”, “Міфалагемы Родзіна” і “У пошуках новай зямлі”, якія створаны па сцэнарыях У. Мароза і ім як кінарэжысёрам. Таксама прагучаць вершы з новай кнігі паэта “Крыжы на ростанях”.
У імпрэзе прымуць удзел кінаэжысёр Яўген Сяцько, героі дакументальных стужак пісьменнік Віктар Казько і мастак Алесь Родзін.
Пачатак вечарыны ў 18.30.
Вечарына адбудзецца ў межах кампаніі “Будзьма беларусамі!”.
