З 27 па 29 лiстапада ў Гродна i 1 снежня ў Мiнску адбудзецца свята класічнай музыкі «TyzenHouse». Назва Свята праз сваеасаблівую гульню слоў звязана з прозвішчам Антонія Тызенгаўза, вядомага гарадзенскага старасты, мецэната, які ў другой палове XVIII стагоддзя заснаваў і пабудаваў у Гродна не толькі шэраг мануфактур, медыцынскую школу, батанічны сад, але і тэатр і тэатральную школу, музычную капэлу, якія былі шырока вядомыя ва ўсёй Еўропе.
На пряцягу некалькіх дзён залы Гродзенскага абласнога драматычнага тэатра i Беларускай Дзяржаўнай Фiлармонii стануць сапраўдным цэнтрам музычнага жыцця не толькі Гродзеншчыны i Мiнска, але і ўсёй Беларусі, бо не так часта нас наведваюць «зоркі» класічнай музыкі. Сваё майстэрства гродзенскім «меламанам» падораць як сусветна знакамітыя «маэстра’» так і маладыя таленавітыя выканаўцы, якія ўжо паспелі заваяваць шырокае прызнанне:
- Хэсус Рэйна (скрыпка, Іспанія)
- Джынг Джыо (віяланчэль, Кітай/Германія)
- Кірыл Кедук (фартэпіяна, Беларусь)
- Уладзімір Аўчыннікаў (фартэпіяна, Расія)
- Гі Туўрон (труба, Францыя)
- Дзяржаўны камерны аркестр Рэспублікі Беларусь, мастацкі кіраўнік і галоўны дырыжор Яўген Бушкоў (Расія)
Як і ў мінулым годзе канцэрты пройдуць у Гродзенскім абласным драматычным тэатры.
Квіткі ў касах тэатра і Гродзенскага дзяржаўнага музычнага каледжа.
Даведкі па тэл.: 8 (0152) 54 29 04, 8 (0152) 54 29 02, 8 (0152) 72 34 27, 8 (044) 754 29 04, 8 (029) 584 29 04.
