Святочная інтэрактыўна-пазнавальная праграма «Калядныя цуды»!
Пачатак: 29.12 (10:19)Канец: 21.01 (18:00)
Дзяржаўны музей гісторыі беларускай літаратуры
У перыяд зімовых свят — з 20 снежня 2021 года па 21 студзеня 2022 года — Дзяржаўны музей гісторыі беларускай літаратуры запрашае хлопчыкаў і дзяўчынак да ўдзелу у святочнай інтэрактыўна-пазнавальнай праграме «Калядныя цуды»!
Дата: з 20-га снежня 2021 г. па 21-га студзеня 2022 г.
Месца: Дзяржаўны музей гісторыі беларускай літаратуры, вул. М. Багдановіча, 13, г. Мінск.
Кошт: 3 рублі.
Праграма ладзіцца ў межах экспанавання новай аднаіменнай выставы і прысвечана традыцыям святкавання Калядаў на Беларусі.
Удзельнікі даведаюцца, чаму ў гадавым коле народных абрадаў і свят Каляды займалі першае месца, як варажылі, якія песні спявалі і якія стравы гатавалі на свята іх продкі, пазнаёмяцца з абрадавымі каляднымі гульнямі і забавамі.
Але тое было раней... А зараз? Ці ведаем мы хоць адзін сучасны абрад? Вось мы і прапануем юным наведвальнікам стаць стваральнікамі новага каляднага абраду. Як ён называецца? А гэта мы разам і прыдумаем...
А яшчэ падчас праграмы хлопчыкі і дзяўчынкі трапяць у «калядную майстэрню», дзе змогуць уласнаручна зрабіць незвычайную елачную цацку-сюрпрыз.
Вясёлая кампанія, творчая атмасфера, добры настрой і самыя крэатыўныя музейныя супрацоўнікі — усё гэта чакае вас у Літаратурным музеі на Багдановіча, 13.
Да ўдзелу ў святочнай праграме запрашаюцца групавыя і сямейныя наведвальнікі малодшага і сярэдняга школьных узростаў.
Працягласць — каля 60 хвілін.
Папярэдні запіс ужо распачаты! Тэл. +375 17 363-56-21.
