У суботу, 26 кастрычніка, у музеі Якуба Коласа — сямейны фестываль «Жолуд».
Дата: 26 кастрычніка
Час: з 10.30 да 13.30
Месца: музей Якуба Коласа, вул. Акадэмічная, 5, Мінск
Студыя «Бусы» запрашае акунуцца ў шоргат лісця, дзіцячых смех і тэатральна-музычныя актыўнасці!
Вось якая праграма:
10.30-11.05 і 11.15-12.00. Музычна-інтэрактыўная сямейная гульня «Пералётныя песенькі» (3-6 гадоў).
Запрашаюць ахвочых знаёміцца з музыкай праз музычныя гульні! (Патрэбна рэгістрацыя.)
10.30-11.10 і 11.20-12.00 Тэатральная майстэрня «Тэатральная бульбачка» (5+).
Стварэнне лялечных герояў і разыгрыванне сцэнак. (Патрэбна рэгістрацыя.)
10.30 — 11.10 і 11.20 −12.00 Музычная майстэрня «Агародны рэп» з Леанідам Паўлёнкам (5+).
У праграме выраб з гародніны (гарбуз, морква, перац, капуста) музычных інструментаў і выкананне на іх хіп-хоп кампазіцыі з выкарыстаннем рэпу. (Патрэбна рэгістрацыя.)
10.30 — 11. 10 Кніжная майстэрня «Парасячыя казкі» (6+) 11.20 — 12.00 Кніжная майстэрня «Кніжка-малышка» (6+) (Патрэбна рэгістрацыя.)
12.30 — 13. 30 Спектакль «Восеньская казка» для гледачоў 3-8 гадоў.
Казка з жывой музыкай па матывах гісторый Сяргея Казлова пра Вожыка і Медзведзяня.
Выстава смешнай гародніны!
Прымаюцца экспанаты з дачы і з вёскі! Смешныя, крывыя, загадкавыя, незразумелыя, падобныя на нешта ці ні на што не падобныя на свеце! Прыносьце вашыя экспанаты!
Уваход — 20 рублёў для дзіцяці, 6,50 рублі для дарослага, сямейны квіток (3-4 чалавекі) — 40 рублёў.
