Тэатральна-музычны фэст JULA ў Мюнхене

21.11.2024 - 24.11.2024 16:30 - 22:00 Einstein Kultur (Einsteinstraße 42) ад 15 еўра

З чацвера, 21 лістапада, у Мюнхене — тэатральна-музычны фэст JULA.

Дата: з 21 па 24 лістапада

Месца: Einstein Kultur, Einsteinstraße 42, Мюнхен

Удзел бяруць і беларускія артысты.

Вось напрыклад:

У пятніцу, 22 лістапада а 18-й ладзіць паказ казак на стужках DIAFILM LIVE (6+).

Статычныя выявы з субтытрамі на стужцы ў паўзмроку пакоя — выдатны фон для чароўнага падарожжа па псіхадэлічных сусветах савецкага мастацтва.

Той, хто ў дзяцінстве не бачыў дыяфільмаў, альбо занадта малы, альбо шмат страціў.

У суботу, 23 лістапада ў 16:00 і 18:30, лялечны тэатр «Картонка» грае спектакль «Беспрацоўнае дрэва».

Гэта гісторыя дрэва, якое вымушана пакінуць парк, дзе яно ўсё жыццё працавала... дрэвам.

Яго чакае дарога, поўная прыгод, часам прыгожых, часам небяспечных, а часам зусім нечаканых.

Спектакль для ўсёй сям’і, куды запрашаюцца дзеці ад 5 гадоў і выхаваныя дарослыя.

Тэкст, рэжысура, выкананне: Света Бень

Музыка: Леанід Башаркевіч Працягласць: 50 хвілін

У нядзелю, 24 лістапада а 20-й, будзе канцэрт Светы Бень і Галі Чыкіс.

Улетку 2021 года Света папрасіла Галю дапамагчы ёй з маленькім канцэртам у Берліне.

У выніку нарадзіўся дуэт, які абяцае магічныя электронныя аранжыроўкі, выдатны вакал і даследаванне новых межаў музыкі.

Праграму і квіткі коштам ад 15 еўра глядзіце па спасылцы.

дадаць у google каляндар

Вам можа быць цікава