У пятніцу, 16 чэрвеня, музей Якуба Коласа запрашае на семінар-трэнінг псіхалагічнага тэатра «Лютэя».
Дата: 16 чэрвеня
Час: 19.00
Месца: музей Якуба Коласа, вул. Акадэмічная, 5, Мінск
Разам з акцёрамі тэатра ў бяспечнай прасторы, атмасферы прыняцця і даверу вы адчуеце сябе часткай нейкага цэлага, дакранецеся да каранёў — сустрэнецеся са сваімі продкамі, звернецеся да гісторыі сваёй сям’і, да памяці пра тых, хто быў да нас.
Псіхалагічны тэатр «Лютэя» — першы псіхалагічны тэатр у Беларусі. Місія тэатра — аказанне псіхалагічнай дапамогі сродкамі тэатра.
Аўтарка ідэі, заснавальніца і кіраўніца тэатра «Лютэя» — Наталля Раманчык, прафесарка Рэспубліканскага інстытута вышэйшай школы, кандыдатка педагагічных навук.
Квіткі — 6 рублёў. Запісвайцеся па нумарах 8 (017) 270 17 02; +375 29 704 86 35.
