Ток-шоў: “Чарнобыль і Гомельшчына: ці марныя высілкі грамадзянскіх актывістаў”?

Грамадская культурніцкая кампанія “Будзьма беларусамі!” і Цэнтр даследавання грамадскага кіравання SYMPA запрашаюць на ток-шоў “Зона не/адчужэння. Чарнобыль і Гомельшчына: ці марныя высілкі грамадзянскіх актывістаў”?

Тэма прысвечаная адной з галоўных праблем Беларусі, ад якой найбольш пацярпела Гомельшчына. Тут цэлае кубло праблемаў, звязаных міжсобку:

і землі, якія нібыта адкалоліся ад нашай краіны;
і загінулыя, і людзі-перасяленцы, якія, нібыта ўцекачы ад вайны, ніколі не вернуцца дадому;
і пагардлівае і баязлівае стаўленне да “перасяленцаў” і “чарнобыльцаў” усёй астатняй краіны;
і будоўля новай АЭС;
і нежаданне ўлады вырашаць праблему, інтэграваць грамадства і інш.

І на фоне ўсяго гэтага — дзейнасць грамадскіх актывістаў з Гомельшчыны. На іх рахунку некалькі грамадскіх кампаній, калектыўных зваротаў і гэтак далей. Але тэма ўсё адно не робіцца актуальнай для ўсёй Беларусі. Усе заплюшчваюць на яе вочы. Святлана Алексіевіч вось напісала славутую “Чарнобыльскую малітву”, але гэта было даўно і ці не адзіны такі выпадак.

Ці здолеюць актывісты Калінкавічаў данесці праблемы Гомельшчыны да ўсёй краіны?

Спікеры: Дзяніс Рабянок (Калінкавічы), Уладзімір Целяпун (Мазыр), Павал Наздра (Мазыр), Андрэй Мельнікаў (Мінск).

Памяшканне: г. Мазыр, антыкавярня “Кватэра № 15″, вул. Катлаўца, д. 37а, 15.
 
Тваё меркаванне важнае! Уваход вольны!