У чацвер, 6 кастрычніка, у арт-гасцёўні «Высокае мѣста» адбудзецца творчая сустрэча з фатографам Міхаілам Маругам, аўтарам выставы «PRO Явление. Песняры», якая днямі праходзіць у гасцёўні.
Дата: 6 кастрычніка
Час: 17.30
Месца: арт-гасцёўня «Высокае мѣста», вул. Герцэна, 2а, Мінск
Спадар Міхаіл шмат гадоў спадарожнічаў «Песнярам» і стварыў мноства партрэтаў гурта.
У сустрэчы бяруць удзел таксама артысты Уладзіслаў Місевіч і Уладзімір Ткачэнка, музыказнаўца і біёграф Уладзіміра Мулявіна Вольга Брылон, дочкі Уладзіміра Мулявіна Марына і Вольга.
Будуць успаміны пра «Песняроў» ды малавядомыя факты з жыцця гурта.
На выставе ж можна пабачыць не толькі фатаграфіі, але і сцэнічныя касцюмы і ўпрыгажэнні артыстаў, музычныя інструменты і пласцінкі. Прымеркаваная яна да дня нараджэння ансамбля «Песняры».
