У сераду, 8 траўня, у Выставачнай зале Віцебскага цэнтра сучаснага мастацтва адкрываецца выстава браслаўскай мастачкі Аліны Трукан «Фарбы браслаўскай вясёлкі».
Дата: 8 траўня
Час: 16.00
Месца: выставачная зала Віцебскага цэнтра сучаснага мастацтва, пр-т Фрунзэ, 11, Віцебск
Спадарыня Аліна працуе ў тэхніцы алейнага жывапісу і акварэлі, стварае іконы для беларускіх храмаў.
У экспазіцыі — каля 30 жывапісных работ, створаных з 2005 па 2024 гады: пазнавальныя краявіды Браслаўшчыны, шчырае захапленне блакітам бясконцых азёр і рэк, зачараванне фарбамі кветак і прыгажосцю вясёлкі пасля дажджу.
Аліна Трукан нарадзілася ў вёсцы Самуйлы Браслаўскага раёна. У 1983 годзе скончыла вучэльню імя Ахрэмчыка ў Мінску. Зараз жыве ў вёсцы Дварышча Браслаўскага раёна.
Выстава працуе па 16 ліпеня.
