15 лютага ў Нацыянальным цэнтры сучасных мастацтваў адкрываецца традыцыйная вясновая выстава «Джаз! Каты! Вясна!», якая заўсёды азначае, што вясна ўжо тут, блізенька!
Дата: 15 лютага
Час: 18.00
Месца: НЦСМ, Някрасава, 3, Мінск
У маштабнай і шматпланавай выставе бяруць удзел прафесійныя мастакі і аматары, дзеці і дарослыя.
Большасць твораў у экспазіцыі сабраныя праз open-call, а самаму маленькаму ўдзельніку — 2 гады.
Будзе і жывапіс, і графіка, і фотаздымкі, і скульптура, і тэкстыль — і чаго толькі не! Галоўнае, каб пра коцікаў, джаз і вясну!
Выстава працуе да 26 сакавіка.
Квіткі — 7 рублёў поўны, 3 рублі льготны.
