У чацвер, 26 снежня, у музеі-майстэрні Азгура адкрываецца навагодняя выстава «Срэбнае шчасце. Гісторыя PF».
Дата: 26 снежня
Час: 18.30
Месца: музей-майстэрня Заіра Азгура, вул. Азгура, 8, Мінск
У экспазіцыі — «PF»-паштоўкі з калекцый Аляксея Ільіна, Валерыя Сібрыкава, Сяргея Сукавіцына, Валерыя Вядрэнкі, Алены Данбровай.
Назва «PF» атрымана ад першых літар італьянскага «Po Felicita» («На шчасце») або французскага «Pour Feliciter» («Каб павіншаваць»).
PF — гэта поле для абсалютна свабоднага самавыяўлення аўтара. У «паштоўцы» няма ніякіх абмежаванняў, акрамя таго, што яна павінна быць «падарункавай».
Абавязковымі атрыбутамі гэтага жанру з’яўляюцца толькі сімвалы PF (з указаннем надыходзячага года) і імя аўтара (або яго нікнэйм), размешчаныя на «паштоўцы».
Аўтар можа размясціць на паштоўцы якое ўазгодна навагодняе віншаванне.
Куратарка — Алена Данброва.
Выстава працуе па 18 студзеня.
