У пятніцу, 7 красавіка а 16-й, у музеі гісторыі Віцебскага народнага мастацкага вучылішча адкрываецца мемарыяльная выстава Алега Усціновіча «У Бясконцасць».
Дата: 7 красавіка
Час: 16.00
Месца: музей гісторыі Віцебскага народнага мастацкага вучылішча, вул. Марка Шагала, 5а, Віцебск
На выставе можна пабачыць жывапісныя творы апошніх гадоў жыцця мастака, які сышоў у 2019 годзе.
Алег Усціновіч вярнуўся да жывапісу пасля многіх гадоў працы ў дызайне, дзе ён дасягнуў поспеху і як аўтар, і як аўтарытэтны эксперт, і як арганізатар бізнесу, але і зразумеў, што яго шлях гэтым не вычэрпваецца.
Разам з музыкай і каліграфіяй, жывапіс у сталым узросце стаў для яго інструментам разумення таямніц быцця, ладам жыцця і месцам, дзе пасля сыходу з фізічнага плана засталася яго тонкая сутнасць.
Алег Усціновіч (1966–2019) — дызайнер, жывапісец, кераміст, у 1997–2005 гг. — арт-дырэктар аднаго з вядучых рэкламных агенцтваў краіны «Белая карона».
Выстава працуе да 1 траўня.
